БИШКЕК, 8-янв. — Sputnik. Борбор калаада грэпплинг боюнча UWW өлкө биринчилиги өткөрүлөт. Бул тууралуу аталган спорттун түрү боюнча федерациядан билдиришти.
Маалыматка ылайык, чемпионат 8-9-февраль күндөрү "Газпром" ден соолукту чыңдоо борборунда уюштурулуп, ага өлкө аймагындагы спортчулар катышат.
Мелдеште 14-15 жаштагы окуучулар, 16-17 жашта кадеттер, 18-19 жаштагы юниорлор, 20 жаштан 35 жаштагы спортчулар жана андан жогору курактагы ардагерлер ат салышат.
Грэпплингдин дүйнөдө үч ири версиясы бар. Алар: NAGA, ADCC жана UWW. КРде үч федерацияга тең лицензия берилип, президенттери шайланган.
