Жылынам деп... Ноокатта милиция тандырдын ичинде күйүп жаткан кишини сактап калды

© Sputnik / Михаил Алаеддин / Медиабанкка өтүүТандыр. Архив
Тандыр. Архив - Sputnik Кыргызстан
Жазылуу
Эркек киши милицияга сыртта катуу суук болуп үшүгөндүктөн тандырдын ичине кирип жатканын айтып берген. Чогу өчпөгөндүктөн түтүнгө ууланып эс-учун жоготуп койгондугу, анын кесепетинен кийими күйгөнү кошумчаланды.

БИШКЕК, 29-дек. — Sputnik. Ноокатта милиция кызматкерлери самсы бышырган тандырдын ичинде күйүп жаткан кишини сактап калышты. Бул туурасында Ош облустук ички иштер башкармалыгынын маалымат кызматынан билдиришти.

© Фото / пресс-служба УВД Ошской областиНоокатта милиция кызматкерлери самсы бышырган тандырдын ичинде күйүп жаткан кишини сактап калышты
Жылынам деп... Ноокатта милиция тандырдын ичинде күйүп жаткан кишини сактап калды - Sputnik Кыргызстан
Ноокатта милиция кызматкерлери самсы бышырган тандырдын ичинде күйүп жаткан кишини сактап калышты

Окуя 28-декабарга караган түнү саат 1:15те болгон. Анда түнкү рейдге чыккан милиционерлер көчөдөгү самсы жапкан тандырдын ичи түтөп жатканын байкап калышкан.

"Шек санаган кызматкерлер тандырдын ичин карашканда ичинде эс-учун жоготкон кишини жана анын кийимдери күйүп баштаганын көрүшкөн. Милиция кызматкерлери аны сыртка алып чыгып, алгачкы медициналык жардам көрсөтүшкөн. Учурда жаран Ноокат райондук ооруканасында дарыланып жатат", — деп айтылат маалыматта.
© Фото / пресс-служба УВД Ошской областиЭркек киши милицияга сыртта катуу суук болуп үшүгөндүктөн, тандырдын ичине кирип алганын айтып берген
Жылынам деп... Ноокатта милиция тандырдын ичинде күйүп жаткан кишини сактап калды - Sputnik Кыргызстан
Эркек киши милицияга сыртта катуу суук болуп үшүгөндүктөн, тандырдын ичине кирип алганын айтып берген

Эркек киши милицияга сыртта катуу суук болуп үшүгөндүктөн тандырдын ичине кирип алганын айтып берген. Бирок чогу өчпөгөндүктөн ал кишинин түтүнгө ууланып эс-учун жоготуп койгондугу, анын кесепетинен кийими күйгөнү кошумчаланды.

Аман калган адам Баткен облусунун Кадамжай районунун 1982-жылы туулган А.А. аттуу тургуну экендиги аныкталган.

Маалыматта түнкү рейд Ош облусунун бардык райондорунда жума сайын жүргүзүлүп турары айтылат.

Жаңылыктар түрмөгү
0