БИШКЕК, 7-дек. — Sputnik. УКМКнын 9-кызматынын жетекчисинин милдетин аткаруучу болуп Санжарбек Эркинбаев дайындалды. Бул тууралуу президенттин маалымат кызматы билдирди.
Тиешелүү буйрукка мамлекет башчы Сооронбай Жээнбеков кол койду. 9-кызматтын жетекчиси УКМКнын төрагасынын орун басары рангында болот. Бул кызматтын башчысы президентти расмий иш-чараларда жана сапарларга чыкканда кайтарат.
Президенттин дагы бир буйругу менен мурдагы жан сакчысы Тимур Шабданбеков башка кызматка которулганына байланыштуу ээлеген ордунан бошотулду. Ага чейин Жээнбековдун коопсуздугуна Токтосун Сабыров жана Дамир Мусакеев жооп берип келген. Жалпылап айтканда, 2017-жылдан бери УКМКнын тогузунчу кызматынын башчысы үчүнчү ирет алмашып жатат.
Санжарбек Эркинбаев буга чейин ушул эле кызматтын башчысынын орун басары, Улуттук гвардиянын 714-аскер бөлүгүнүн командири болуп иштеген.
Ал мурдагы президент Алмазбек Атамбаевдин колунан "Даңк" медалын алган. Азыркы мамлекет башчынын кол сааты менен сыйланган.
Хотите узнавать раньше самые интересные и важные новости?
Подписывайтесь на наш Telegram-канал
Подписывайтесь на наш Telegram-канал
