БИШКЕК, 25-ноя. — Sputnik. Москвада көчө шыпыргычтар тобу менен мушташкан видео тарады.
РЕН ТВ телеканалынын маалымдашынча, окуя 24-ноябрда Ефремов көчөсүндө болгон.
Видеодон бири-бирин муштап жаткан кишилерди көрүүгө болот. Айрымдары колдоруна лом жана калак-күрөгүн көтөрүп алган. Жаңжалдын чыгышына эмне себеп болгону такталууда.
Полиция мушташка катышкан ондон ашык кишини кармады. Алдын ала маалымат боюнча, эч ким олуттуу жаракат алган эмес.
