БИШКЕК, 2-окт.- Sputnik. Армениянын премьер-министри Никол Пашинян Facebook тармагындагы баракчасына ЕЭАБ өлкөлөрүнүн лидерлери менен жасаган селфисин чыгарды.
Сүрөт кичиавтобуста тартылган. Анда Пашинян Кыргызстандын президенти Сооронбай Жээнбеков менен алдыңкы катарда отургандыгын көрүүгө болот. Алардын артында Молдова менен Ирандын лидерлери Игорь Додон менен Хасан Роухани отурат. Кийинки катарга Россия жана Казакстан президенттери Владимир Путин менен Касым-Жоомарт Токаев орун алган.
"Жолдогу селфи. Бул учурда маанилүү чечимдерди кабыл алганга жетиштик",- деп жазган ал.
Бүгүн Ереван шаарында ЕЭАБ өлкөлөрүнүн лидерлеринин саммити өткөн. Бул иш-чарадан Сингапур лидери да селфи жарыялаган эле.
