ЖМК: кыргызстандык теннисчи кыз Францияда кармалды

© Sputnik / Владимир Песня / Медиабанкка өтүүТеннисчи. Архив
Теннисчи. Архив - Sputnik Кыргызстан
Жазылуу
Кыргызстандык спортчу менен өзбекстандык теннисчи Клермон-Ферран шаарында өтүп жаткан турнир маалында кармалган.

БИШКЕК, 27-сен. — Sputnik. Францияда Кыргызстан менен Өзбекстандын теннисчилери ITF Gonesse мелдеши учурунда өз ара сүйлөшүп алган деген шек менен кармалды. Аталган турнирдин байге фондусу 25 миң долларды түзгөнүн Ouest-France басылмасы жазды.

Ага ылайык, быйыл март айында Франциянын Гонесс шаарындагы аялдар арасындагы эл аралык турнирде өзбекстандык теннисчи башка спортчуга атайылап утулуп берген. Бул аракетти ишке ашырууда кыргызстандык теннисчи ортомчу болгон.

Кыргызстандык балбан Айсулуу Тыныбекова. Архив - Sputnik Кыргызстан
Президент Айсулуу Тыныбековага үч бөлмөлүү батир белек кылды
Спортчу кыздар 23-24-сентябрда Клермон-Ферран шаарында өткөн турнир маалында кармалган. Алар Понтуаз (Франция) шаардык сотунда көрсөтмө бергени айтылды. ITF календарына ылайык, Клермон-Ферран шаарындагы турнирге өзбекстандык теннисчи Алина Хабибулина менен кыргызстандык Ксения Палкина катышкан. Алар бирден оюнга катышып, кийинки беттештерден 24-сентябрдан тарта четтетилген.

Март айында өткөн ITF Gonesse турнирине Алина Хабибулина катышып, квалификациялык оюндар маалында франциялык Амината Сэллге утулуп калган.

Кыргызстандын Теннис федерациясынан түшүндүрмө алганга мүмкүн болгон жок.

Виджет news
Жаңылыктар түрмөгү
0