БИШКЕК, 24-сен. — Sputnik. Октябрь РИИБинин пара алып жатып колго түшкөн төрт милиционери алгач бишкектик тургундан 5000 доллар талап кылган. Бул тууралуу ИИМдин маалымат кызматынан билдиришти.
Эске салсак, 23-сентябрдын кечинде Финансы полициясынын кызматкерлери Октябрь райондук ички иштер бөлүмүнүн төрт милиционерин пара алып жаткан жеринен кармагандыгы кабарланган.
Андан соң 23-сентябрда Ахунбаев менен Малдыбаев көчөлөрүнүн кесилишинде Октябрь районунун Криминалдык милициясынын кызматкерлери, үч ага лейтенант — К.Э., Т.Э., Д.Н. кармалган.
Аларды тинте келгенде 1000 доллар акча чыккан.
ИИМдин Ички иликтөө кызматынын кызматкерлери милициянын ага лейтенантынын (П.А.) кабинетинен акча талап кылган жаран боюнча соттук өндүрүшкө жетпей кыскартылган иш боюнча документ табылган. Ал адам да Финполицияга жеткирилген.
Сурак бүткөндөн кийин милициянын төрт кызматкери тең Бишкек шаарындагы убактылуу кармоо жайына жеткирилген.
ИИМден бул кесиптештери тууралуу дагы бир маалыматты кошумча билдиришти. Буга чейин бул үч ыкчам кызматкердин үстүнөн дагы бир Г.В. аттуу жарандан 5000 сом талап кылган деген арыз түшкөн.
