Ысык-Көлдөгү эки адамды өлтүргөн киши 5 күндөн бери изделип жатат

© Sputnik / Табылды КадырбековЧасть жилмассива "Энесай" заблокирована милицией, идет проверка домов
Часть жилмассива Энесай заблокирована милицией, идет проверка домов - Sputnik Кыргызстан
Жазылуу
Эки кишини өлтүргөн адам кырсыктан кийин из жашырган.

БИШКЕК, 9-июл. — Sputnik. Эңилчек жайлоосундагы "Хан-Теңири" лагеринде эки кишини өлтүрүп из жашырган кароолчуну издөө иштери уланууда. Бул туурасында облустук милициянын маалымат кызматынан кабарлашты.

Ал ок чыгаргандан кийин бир аялды барымтага алып, тоону көздөй кетип из жашырган.

Милициядан аны издөөгө жолду жакшы билген мергенчилер, чек арачылар тартылган. Буга чейин барымтага алынган Ирина Лунева анын таптырбайм дегенин Sputnik Кыргызстандын кабарчысына айтып берген.

"Ооба, анын бир магазин толтура огу бар экенин көргөм. Аны милиция издээрин айтсам, "тирүү бойдон колго түшпөйм, өлүгүмдү да таптырбайм" деди. Мени таңга маал коё берди", — деген ал.

ИИМдин маалымат кызматынын жетекчиси Бакыт Сеитов буга чейин "арак ичип отуруп сөздөн-сөз чыгып, бири-бирине кемсинткен сөз айткан. Анан отургандардын бири экөөнү атып салган", — деп билдирген.

Сотрудница противочумной станции Ирина Лунёва - Sputnik Кыргызстан
Тирүү калганыма ишенбей ыйлап келе жаттым. Көлдө барымтага алынган аялдын видеосу
Бирок кийин каза болгон директордун орун басарынын тууганы окуя кандайча болгонун айтып, анын арак ичпегендигин кошумчалаган.

Эске салсак, 2019-жылы 4-июлда, Сырт өрөөнүнүн Эңилчек жайлоосунда жайгашкан "Хан-Теңири" аңчылык лагердин башчысынын 49 жаштагы орун басарын жана 31 жаштагы кызматкерин кароолчу атып салганы боюнча милицияга маалымат түшкөн. Мындан сырткары, ошол жердеги жылкычы бычак жеп, 48 жаштагы аял барымтага алынганы айтылган. Бирок аял аман-эсен бошонуп чыккан. Бул кылмышка шектүү делип лагердин кароолчусу, Түп айылынын 29 жаштагы тургуну изделүүдө.

Жаңылыктар түрмөгү
0
Алгач жаңыларыАлгач эскилери
loader