Бишкек шаарынын Октябрь райондук Билим берүү борборунун кызматкери 15 миң сом пара алып жаткан жеринен кармалды. Бул тууралуу УКМКнын маалымат кызматынан кабарлашты.
Аял 21-майда Бишкектен колго түшкөн.
"Кармалган аял тендерди каржылоо маселесин чечип берүү үчүн компаниядан акча талап кылган", — деп айтылат маалыматта.
Материалдар Кылмыш жана жоруктар жөнүндөгү бирдиктүү реестрге Кылмыш жаза кодексинин 326-беренеси ("Акча талап кылуу") боюнча каттоого алынды. Кармалган кызматкер УКМКнын тергөө абагына киргизилди.
