БИШКЕК, 1-май — Sputnik. 3-майдан 5-майга чейин Москва шаарынын бир катар кинотеатрларында режиссёр Айбек Дайырбековдун "Дарак ыры" тасмасы көрсөтүлөт.
Фильмдин жаратуучулары кинокартина кайсы күнү, кайсы кинотеатрларда көрсөтүлө турганын Facebook баракчасына жарыялашты.
- "Каро 11 Октябрь" кинотеатры, башталышы — 18:00. Дареги: Новый Арбат көчөсү, 24;
- "Каро 6 Теплый стан" кинотеатры, башталышы — 14:00. Дареги: Новоясеневский проспектиси, 1;
- "Каро 10 Реутов" кинотеатры, башталышы — 15:00. Дареги: Носовихинск шоссеси, 45;
- "Каро Sky 17 Авиапарк" кинотеатры, башталышы — 16:00. Дареги: Ходынский бульвары, 4;
- "Каро 13 Кунцево" кинотеатры, башталышы — 17:00. Дареги: Москва облусу, Одинцово району, Vegas Кунцево соода түйүнү;
Тасма аталган кинотеатрларда 3 күн бою көрсөтүлөт.
"Дарак ыры" киносу кыргыз тилиндеги биринчи мюзикл. Тасма коомчулук тарабынан жакшы кабыл алынып, Москва эл аралык кинофестивалында көрсөтүлүп, иш-чаранын программалык директору Кирилл Разлогов аны "фестивалдын эң сенсациялуу тасмасы" деп атаган.
