Аймактарга Орус-кыргыз өнүктүрүү фондусунан насыя көп бериле баштады

Жазылуу
Буга чейин жактырылган үч долбоордун экөө Бишкекке туура келген учурлар болгон.

БИШКЕК, 19-мар. — Sputnik. Аймактагыларга насыя көп бериле баштаганын Орус-кыргыз өнүктүрүү фондусунун башкармалыгынын төрагасы Эркин Асрандиев маалымат жыйында билдирди.

Ал өз сөзүндө фонд иштеп баштагандан тарта былтыркы жылдын аягына чейин 304 миллион доллар 1,5 миңден ашык долбоорду каржылоого берилгенине токтолду.

Асрандиев ошондой эле бүгүнкү күнү деле Бишкек шаары менен анын чет жакасындагы аймактар насыя алуу боюнча алдыда экенин, бирок негизги насыя алуучулар аймактарга туура келерин кошумчалады.

"Эгер статистиканы карай турган болсок, 2016-жылы жактырылган долбоорлордун 70 пайызы Бишкекке туура келет", — деди Асрандиев.

Ал ошондой эле былтыр аймактарды өнүктүрүү жылы деп жарыялангандыктан облустарды көтөрүп, насыя берүү боюнча бир топ иш-аракеттер жасалганын белгиледи. Атап айтканда, кепилдик фондуна 200 милллион сом (күрөө үчүн) берилип, Орус-кыргыз өнүктүрүү фонду тарабынан түз каржылоодогу босого азайтылган.

Жаңылыктар түрмөгү
0