БИШКЕК, 12-мар. — Sputnik. Сауд Аравиясында өтүп жаткан "Көчмөндөр ааламы" этнофестивалынын алкагында ачык асман алдындагы кинотеатр — Moviestan ачылганын Дүйнөлүк этнооюндардын конфедерациясы билдирди.
Маалыматка ылайык, кинотеатр 11-март күнү кыргыз кинолору менен ачылып, эртеден кечке чейин иштөөдө.
![Сауд Аравиясында өтүп жаткан Көчмөндөр ааламы этнофестивалынын алкагында ачык асман алдындагы кинотеатр — Moviestan ачылды Сауд Аравиясында өтүп жаткан Көчмөндөр ааламы этнофестивалынын алкагында ачык асман алдындагы кинотеатр — Moviestan ачылды - Sputnik Кыргызстан](https://sputnik.kg/img/104363/36/1043633686_8:0:910:567_600x0_80_0_0_61b7b92d88c4ac18b0d6076222b0ea8d.jpg)
![Кинотеатр 11-март күнү кыргыз кинолору менен ачылып, эртеден кечке чейин иштөөдө. Кинотеатр 11-март күнү кыргыз кинолору менен ачылып, эртеден кечке чейин иштөөдө. - Sputnik Кыргызстан](https://sputnik.kg/img/104363/36/1043633680_39:0:873:524_600x0_80_0_0_e9b4116d817d579a81441a0e0230925e.jpg)
"Келгендер дүйнө жүзүнөн чогулган көркөм, даректүү жана кыска метраждуу тасмаларды көрө алышат. Анда негизинен дүйнө элдеринин өзгөчөлүгү, табият жана экологиясы чагылдырылган. Жалпы жонунан 79 мамлекеттин 760 тасмасы эл назарына сунушталууда. Фильмдер англис жана араб субтитрлери менен коштолот", — деп айтылат билдирүүдө.
Ал эми Moviestan кинотеатрынын куратору Талант Төлөбеков 35 жылдан бери кино тармагына тыюу салынган Сауд Аравияда 80ге чукул мамлекеттин тасмаларынын тартууланып жатышы тарыхый учур экенин белгиледи.