БИШКЕК, 17-янв. — Sputnik. Бишкектеги "Ала-Тоо" аянтында өтүп жаткан митингдин катышуучулары абалга көз салып турган милиция кызматкерлери менен тартышып-түртүшө кетишти.
Небольшая потасовка pic.twitter.com/lSdbkeikhN
— Макс Элебесов (@definition45) 17 января 2019 г.
Эскерте кетсек, нааразылык акциясы 17-январь күнү эртең мененки саат 10.00дөрдө башталган. Чогулгандар негизинен Кытай жарандарынын Кыргызстанга мыйзамсыз келишине тыюу салуу сыяктуу бир нече талаптарды койду. Аларга Тышкы иштер министрлиги, Миграция кызматынын өкүлдөрү чыгып, суроолорго жооп беришти.
Sputnik Кыргызстан журналистинин билдиргени боюнча ушу тапта аянта 250-300гө чукул киши турат. Абалды укук коргоо органдары көзөмөлдөп турат.
Ал эми митингдин жүрүшүн Sputnik Кыргызстан агенттиги тексттик трансляция аркылуу чагылдырууда.
