Менин атам ким экенин билесиңби? Инспектор менен жүргүнчүнүн айтышы. Видео

Жазылуу
Инспекторлор автоунааны токтоткондо анын ичиндеги жүргүнчү аларга ызырынып, атырылып: "Кимди токтотконуңду билесиңби, менин атам ким экенин билесиңби?"- деп кыйкырган.

30-декабрда таңга жуук автоинспекторлор Тоголок Молдо көчөсүнөн Daewoo Nexia үлгүсүндөгү автоунааны токтоткондо ага баш ийбей өтүп кеткен. Укук коргоо органдарынын кызматкерлери алардын артынан кууп жетишкен.

Окуя таңкы саат 4:30дар чамасында болгон.

Балдар аянтчасы. Архив - Sputnik Кыргызстан
Бишкекте ичимдик ичип бөтөлкөсүн балдар аянтына ыргыткандар жазаланды
Автоинспекторлор машинаны токтоткондо анын ичиндеги жүргүнчү аларга ызырынып, атырылып: "Кимди токтотконуңду билесиңби, менин атам ким экенин билесиңби?" — деп кыйкырган. Андан сырткары, "NewTVпатруль" программасынын кабарчыларына кол көтөрүүгө аракет кылган.

Машинанын айдоочусунун жанында күбөлүгү жана автоунанын катталганы тууралуу документ болгон эмес. Милиционерлерге баш ийбегендер Улуттук статистика комитетинин күбөлүгүн көрсөтүшкөн, бирок анын жарамдуу мөөнөтү 2017-жылы эле бүтүп калганын көрүүгө болот.

Sputnik Кыргызстан агенттигинин ишенимдүү булагынын маалымдашынча, милиция кызматкерлерине атырылган жаран Биринчи май РИИБине алынып келип, КР Административдик кодексинин 364-беренеси ("Майда бейбаштык") боюнча протокол түзүлгөн. Ал эми айдоочу РИИБге жеткирилип, наркологиялык экспертизанын жыйынтыгында мас экени аныкталган. Учурда анын аты-жөнү такталууда.

Жаңылыктар түрмөгү
0