БИШКЕК, 17-дек. — Sputnik. 18-декабрда республиканын көпчүлүк райондорунда кар жаашы күтүлөт. Батыштан соккон шамалдын ылдамдыгы секундасына 3-8 метрге жетет. Бул тууралуу Кыргызгидромет билдирди.
Маалыматка ылайык, абанын температурасы Чүй жана Талас облустарында —1…+4 градуска жетет.
Ысык-Көл менен Нарын өрөөнүндө —3…+2, ал эми Ош, Жалал-Абад жана Баткен облустарында +1…+6 градус жылуу болот.
Бишкек жана Ош шаарларында жаан жаап, ал карга айланышы мүмкүн. Бишкекте абанын температурасы +2…+4, Ош шаарында +3…+5 градус болушу болжолдонууда.
