Айтматовдун урматына коллекциялык тыйын чыкты. Сүрөтү окшошот бекен?

© Фото / Пресс-служба НБКРВыпуск коллекционной монеты "90-летие Чингиза Айтматова"
Выпуск коллекционной монеты 90-летие Чингиза Айтматова - Sputnik Кыргызстан
Жазылуу
Жез менен никелдин аралашмасынан жасалып, 5 миң даана чыккан. Салмагы 25 грамм, наркы 700 сом.

БИШКЕК, 29-окт. — Sputnik. Улуттук банк 29-октябрдан тарта "Тарыхый окуялар" сериясынан "Чыңгыз Айтматов — 90 жыл" коллекциялык монетасын жүгүртүүгө чыгарат. Бул туурасында аталган банктын маалымат кызматынан кабарлашты.

Ал залкар жазуучу Чыңгыз Айтматовдун 90 жылдык юбилейине арналган. 

© Фото / Пресс-служба НБКРВыпуск коллекционной монеты "90-летие Чингиза Айтматова"
Выпуск коллекционной монеты 90-летие Чингиза Айтматова - Sputnik Кыргызстан
Выпуск коллекционной монеты "90-летие Чингиза Айтматова"

Монетанын алдыңкы бетине Айтматовдун сүрөтү жана жазуучунун кол тамгасы түшүрүлгөн. Монетаны тегерете "Чыңгыз Айтматов – 90 жыл" / "Chingiz Aitmatov – 90 years" жазуусу орун алган. Ал эми оң тарабында тыйындын номиналы көрсөтүлгөн.

Монетанын арткы бетинин жогорку бөлүгүнө Кыргызстандын герби түшүрүлүп, Айтматовдун чыгармасындагы ак кеменин жана бугу эненин элеси тоолордун жана Ысык-Көлдүн сөлөкөтүнүн алкагында чагылдырылган. Ал эми төмөн жагында монетанын чыккан жылы көрсөтүлгөн (2018).

Ар бир монета акрил капсуласына жайгаштырылып, сертификаты менен өзүнчө кутучага таңгакталган.

Жез менен никелдин аралашмасынан жасалып, 5 миң даана чыккан. Салмагы 25 грамм, наркы 700 сом.

Учурда Кыргызстанда жана дүйнөнүн бир топ жерлеринде Айтматовдун 90 жылдыгы кеңири белгиленип жатат.

Жаңылыктар түрмөгү
0