БИШКЕК, 14-окт. — Sputnik. Окумуштуулардын ырасташынча катардагы киши орто эсеп менен 5 миңдей кишинин жүзүн эстеп кала алат. Бул тууралуу Proceeding of the Royal Society B журналына жарыяланды.
Илгери кишилер чакан топтор менен гана жашап келишсе, акыркы жүз жылда алардын жашоо образы аябай өзгөрдү. Тобу менен жашоо дагы адамдардын башка кишилердин жүзүн жаттап калуу мүмкүнчүлүгүн арттырган.
Окумуштуулар ыктыярдуу студенттердин катышуусу менен атайын эксперимент жүргүзүп, ар бир киши орто эсеп менен 5 миң кишинин жүзүн жаттап кала алат деген жыйынтыкка келишкен. Ал эми оюн бир жерге топтой алган кишилер 10 миңге чейин кишинин жүзүн оңой эле жаттап кала алышат.
