БИШКЕК, 23-сен. — Sputnik. Америкалык окумуштуулар диетасыз жана спорт менен машыкпай эле арыктоонун ыкмасын айтышты. Бул тууралуу "Известия" басылмасы жазып чыкты.
Окумуштуулардын ырасташынча, адам канчалык көп ойлонсо, ошончолук көп энергия сарпталат. Олбани университетинин адистери адамдын мээси дененин эки пайызын гана түзгөнүнө карабай, организмдеги энергиянын 20 пайызын керектей турганын аныкташкан. Мисалы бир күндө 300 калорийди сарптоо үчүн көнүгүүлөрдү кантип чечүү керектигин ойлонуу гана жетиштүү. Киши ойлонгон учурда бир гана калорий сарптабастан иммунитетти көтөрүп, ден соолукту чыңдай турчу эндорфин заты да иштелип чыгат.
