БИШКЕК, 6-июл. — Sputnik. Нарын облусунун Оттук айылындагы Бишкек — Нарын — Торугарт автожолуна кайгуул милициясынын машинасынын макети коюлду. Бул тууралуу ИИМдин Жол кыймылы коопсуздугун камсыздоо башкы башкармалыгынан билдиришти.
Объемный макет патрульной машины на трассе Бишкек — Нарын — Торугарт
© Фото / пресс-служба ГУОБДД
Ага ылайык, макет Нарын облустук ЖКККБнын демилгеси менен эски "Москвич" автоунаасынын кузовунан жасалган. Ал айдоочулар машинаны катуу айдаган жерге өткөн айдын аягында атайын коюлган.
Облустук милициянын маалымат кызматынан билдиришкендей, макет өз "милдетин" мыкты аткарып жатат. Айдоочулардын көбү бел жерге келгенде машинасын акырын айдап калышкан.
