БИШКЕК, 19-июн. — Sputnik. Франциянын президенти Эммануэль Макрон ага орой кайрылган өспүрүмдү зекип койду. Бул тууарлуу РИА Новости жазып чыкты.
Францияда 18-июнь күнү 1940-жылы экинчи дүйнөлүк согуш учурунда каршылык көрсөтүүгө түрткү болгон Шарль де Голдун сөзүнүн 78 жылдыгы белгиленди.
Макрон О-де-Сен департаментинде өткөн расмий аземге катышты. Liberation басылмасы жазгандай, президент чогулган эл менен окуучуларга салам берүү үчүн сыртка чыккан.
Le respect, c’est le minimum dans la République – surtout un 18 juin, surtout en présence des compagnons de la Libération. Mais cela n’empêche pas d’avoir une conversation détendue – regardez jusqu’au bout. pic.twitter.com/CWtPDAALhK
— Emmanuel Macron (@EmmanuelMacron) 18 июня 2018 г.
Бир маалда өспүрүмдөрдүн бири "Ману, кандай?" деп Макронго кыйкырган.
"Сен башка күнү каалаганыңды жасай бер. Бирок бүгүн "Марсельеза" (гимн) менен "Партизан ыры" аткарылып жатат. Андыктан мага "Урматтуу президент" деп кайрыл", — деп Макрон жооп берген.
Өлкө башчы кийинчерээк "Сый-урмат айрыкча 18-июнда сакталышы керек" деп Twitter тармагындагы баракчасына да жазган.
