Кыргызстанга качан сапаттуу бензин алып келинери айтылды

© Sputnik / Михаил Мордасов / Медиабанкка өтүүМай куйуучу жай. Архив
Май куйуучу жай. Архив - Sputnik Кыргызстан
Жазылуу
Ушу тапта Кыргызстанга күйүүчү-майлоочу майдын өтө начарынан баштап эң сапаттуусуна чейин алып келинет.

БИШКЕК, 18-июн. — Sputnik. Кийинки жылдан тарта Кыргызстанга Евро-4 стандартына туура келген гана күйүүчү-майлоочу май алып келүүгө уруксат берилет. Бул тууралуу Нефтетрейдерлер ассоциациясынын аткаруучу директору Улан Кулов билдирди.

Анын айтымында, өлкөдө алигиче советтик мамлекеттик стандарттар (ГОСТ) өкүм сүрүп келет.

"Бул анчейин катуу талап эмес, Ошондуктан өлкө аймагына сапаты ар кандай майлар алып келинет. Бирок мындан төрт жыл мурда эле 2019-жылдын 12-августуна тарта Евро-4 жана Евро-5 стандартына өтө турганыбыз белгилүү болгон. Чечим ЕАЭБдин жана анын регламентинин деңгээлинде кабыл алынган. Жаңы талаптарга көнүү үчүн ушунча убакыт берилген", — деди Кулов.

Ал Жогорку Кеңеште жаңы стандартты мөөнөтүн жылдырууга жол ачкан мыйзам долбоору каралганын белгиледи.

Конвеердеги автоунаалар. Архив - Sputnik Кыргызстан
Өлкө рыногун Европадан ташылган унаалар каптайбы? Автобазардын эртеңи тууралуу
"Кандай болгон күндө да мөөнөтү — 2019-жыл. Күйүүчү-майлоочу майга болгон жаңы талаптар көп маселени чечүүгө өбөлгө түзөт. Негизинен экология үчүн жакшы мүмкүнчүлүк, анткени бул стандарттарда зыяндуу кошулмалар аз. Нефтетрейдерлер бул мөөнөт тууралуу кабардар, мындан улам Евро-4төн төмөн эмес стандарттагы май алып келүү боюнча иш жасап жатышат", — деп кошумчалады Кулов.

Евро-4 — экологиялык стандарт.

Жаңылыктар түрмөгү
0