БИШКЕК, 13-июн. — Sputnik. Бишкек шаарынын мэри Албек Ибраимов УКМКда сурак берип жатат. Бул тууралуу аталган комитеттин маалымат катчысы Рахат Сулайманов билдирди.
Анын айтымында, Ибраимов мурда козголгон кылмыш иштин алкагында күбө катары суракка чакырылган.
Эске салсак, 30-май күнү УКМК 2012-жылы Албек Ибраимов төрагалык кылган "ТНК Дастан" ААКсындагы коррупциялык иштер боюнча кылмыш иши козголгонун жар салган.
