БИШКЕК, 25-май — Sputnik. АКШ Түркмөнстандан пахта жана пахта продукцияларын өз аймагына ташып кирүүгө тыюу салды. Бул туурасында РИА Новости жазды.
Мындай маалымат АКШнын чек ара жана бажы күзөт кызматынын сайтына жарыяланган.
Чечим 18-майда кабыл алынган. Бул эмнеден улам болгону жарыяланган эмес.
Бул кадамды Cotton Campaign коалициясы да колдогон. Аталган уюм пахта терүүдө балдар менен дегеле адамдарды кулдай иштетүүгө каршы чыгып келет. Алар буга чейин түркмөн пахтасынан Inditex, IKEA жана H&M сыяктуу компанияларды баш тарттырууга жетишкен. Cotton Campaign Американын бажы кызматынын мындай чечимин жактырганын билдирди.
Дүйнөдө пахтаны эң көп экспорттогон АКШ. Эсептей келгенде дүйнө жүзүндөгү сатылган ак алтындын үчтөн бири анын энчисине туш келет. Дагы үчтөн бирин эл аралык рынокко алып чыгып, Бразилия, Индия жана Австралияга сатат. Ал эми Түркмөнстандын үлүшү 2 пайызды түзөт.
