Эргешов: пайгамбарыбыз Мухаммед (САВ) курма менен ооз ачып, артынан суу ичкен
Пайгамбарыбыз Мухаммед (САВ) курма менен ооз ачып, артынан суу ичкен. Бул тууралуу Акимжан ажы Эргешов Sputnik Кыргызстан радиосунда орозо тууралуу айтып жатып билдирди.
Анын айтымында, орозо учурунда дан, сүт азыктарын көбүрөөк колдонуу керек.
"Орозо учурунда таңдан кечке дейре ачка болуп жүрүп, ооз ачарда дароо курсакты ашыкча тойгузууга болбойт. Пайгамбарыбыз Мухаммед (САВ) орозо эмес күндөрү да ашказанын толтура аш жеген эмес. Орозо учурунда болсо курма менен ооз ачып, артынан суу ичкен", — деди Эргешов.
Ал пайгамбарыбыз ооз ачкандан кийин да курсагын чала тойгузгандыгын кошумчалады.
