БИШКЕК, 10-май — Sputnik. ТЭЦтеги аварияны жана аны модернизациялоого кеткен каражаттын сарпталышын иликтеген депутаттык комиссияга эч ким басым көрсөткөн жок деген билдирүүсүн комиссиянын төрагасы Улан Примов Жогорку Кеңештин жалпы жыйынында айтты.
Белгилей кетсек, парламенттин бүгүнкү жыйында ТЭЦтеги аварияны изилдеген депутаттык комиссиянын корутундусу каралып жатат. Ага Кыргызстандын экс-премьерлери — Жантөрө Сатыбалдиев, Темир Сариев жана Сапар Исаков катышууда. Алардан тышкары, мурунку финансы министри Ольга Лаврова да чакырылган.
Комиссия өз корутундусунда авариянын чыгышына алып келген бир нече себептерди айтты. Анын айтымында, энергетика тармагында мамлекеттин ырааттуу саясатынын жоктугу, бул тармактын саясатташып кетиши, тууганчылдык аракеттер кадрдык дайындоолордо кадыресе көрүнүш болуп калганы аварияга алып келген. Ошондой эле күз-кыш мезгилине даярдык тыкыр иликтөө жүргүзүү менен жүргүзүлгөн эмес.
Примов андан сырткары депутаттык комиссия иликтөө учурунда ТЭЦте 2014-2015-жылдары авариялык мүнөздө болгон окуянын кесепеттери толук жоюлбагандагы аныкталганын кошумчалады.
Жогорку Кеңештин жыйынына бир катар кишилер чакырылган. Алардын арасында мурдагы премьер-министр Сапар Исаков да келди.
