БИШКЕК, 23-фев. — Sputnik. Гиннестин рекорддор китебине киргизүү пландалып жаткан бир тонна бешбармак менен 100 метрлик чучук үстүбүздөгү жылдын 11-мартында борбор калаадагы соода борборлорунун биринде жасалат. Бул тууралуу иш-чараны уюштуруп жаткандардын бири Элнура Кулуева Facebook баракчасына жазды.
5-март — ак калпак жана улуттук кийимдер күнүнө карата өткөрүлүп жаткан иш-чарада манасчылар, төкмө акындар, комузчу, бийчилер, ырчы-чоорчулар өнөрүн көрсөтмөкчү. Мындан тышкары, "Селфи-2018" акциясы өтүп, этно-жарманке уюштурулат.
Эскерте кетсек, буга чейин бир тонна бешбармак үчүн беш жылкынын эти керектиги айтылган.
Ал эми Жогорку Кеңеш 5-мартты ак калпак жана улуттук кийимдер күнү деп мындан эки жыл мурун бекиткен.
