БИШКЕК, 13-фев. — Sputnik. Кыргызстандык тоо лыжачы Тариэль Жаркымбаев Пхенчхандагы кышкы Олимпиада оюндарында спринтердик жарышта 80 спортчунун ичинен 78-болуп келди.
Олимпиаданын расмий сайтындагы маалыматка ылайык, 80 спортчу 1,4 чакырымга жарышкан. Квалификациянын жыйынтыгы боюнча эң мыкты көрсөткүчтү камсыздаган 30 спортчу чейрек финалга өтөт. Алардын 12си жарым финалда күч сынашат.
9 Бирдин айы 2018, 20:18
Жаркымбаев 1,4 чакырымды 4 мүнөт 5,99 секундада басып өтүп, квалификациялык турнирде 78-орунга татыган. Башында ал 79-орунда болчу, бирок кытай спортчусу оюндан четтетилгендиктен 78-орунга чыккан.
Ошентип Жаркымбаев ушуну менен Олимпиада оюндарынын кийинки турларына катыша албайт. Дал ушул спортчу Олимпиаданын ачылышында Кыргызстан желегин көтөрүп чыккан. Андан сырткары, спортчу тууралуу кызыктуу фактыны окуганды унутпаңыз.
