БИШКЕК, 31-янв. — Sputnik. Гиннестин рекорддор китебине кирген эки адам Египеттин туризм боюнча кеңешинин чакыруусу менен пирамидалардын жанында кезикти. Бул туурасында РИА Новости Metro гезитине шилтеме кылып маалымдады.
28 Чын Куран 2017, 18:06
Түркиялык 35 жаштагы фермер Султан Кесен дүйнөдөгү эң узун киши деп эсептелет. Анын бою 251 сантиметер. Компания бул алп кишиге жолуктуруш үчүн ага карама-каршы келген, дүйнөдөгү эң кичинекей аялды — бою 62 сантиметр болгон Жоти Амджини алып келишкен. Гиннестин рекордчулары Египеттин белгилүү жайларында, пирамидалар өрөөнүндө болуп, ар кыл сүрөттөргө түшкөн.
Кесендин мындай узун бойлуу болушун анын оорусу менен байланыштырып келишет. Ал эми 24 жаштагы Жоти Амджи тукум куучулук илдеттен улам эргежээл болуп калган. Ал кыз бир нече реалити-шоуларга катышып, "Америкадагы коркунучтуу окуялардын тарыхы" деп аталган сериалга катышкан.
