Бутуна тура албай темтеңдеген кыз, кырсыктаган үч унаа. Видео

Жазылуу
Жол кырсыктын күнөөкөрлөрү качып кеткен

Ford үлгүсүндөгү 01 192 АСD номерлүү унаа токтоп турган Mersedes унаасын катуу сүзгөндө ал алдында турган Honda Odyssey машинасын барып каккан. Кырсыктын видеосун активисттер Youtube каналына жүктөштү. 

Бишкек шаарынын Чүй проспектиси менен Достоевский көчөлөрүнүн кесилишинде бейшембиден жумага караган түнү, саат экилер чамасында Toyota Chaser жана Honda Fit унаалары кагышкан - Sputnik Кыргызстан
Бишкекте эки унаа кагышып, 21 жаштагы кыз жабыркады. Жеринен алынган кадрлар
Видеодо көрүнүп тургандай мыйрыйган унаалардын жанында мас абалындагы кыз турат, ал эми дагы бир бийкеч унаадан бир нерсени издеп жатат. Бир нече мүнөттөн кийин мас абалындагы кыз дене-боюн кармай албай унаалардын ортосуна жыгылып түшкөн.

Бишкек ШИИБинин маалымат кызматы кырсык болгонун ырастады.

"Жол кырсыгы кечээ, 13-декабрда, саат 23.20да болгон. Окуя тууралуу күбөлөр кабарлап, жерине барган кызматкерлерге окуянын чоо-жайын айтып беришкен. Ford Жукеев-Пудовкин көчөсү менен түндүктү көздөй баратып, токтоп турган Mersedes автосун сүзгөн. Унаанын айдоочусу менен жүргүнчү кыз машинасын таштап качып кетишкен", — деп милициядан билдиришти.

Учурда үч унаа тең айып короого токтотулуп, милиция кызматкерлери Ford машинасынын айдоочусу менен жүргүнчүсүн издеп жатат.

Ал эми кырсыктаган унааны мас абалындагы кыздын айдап-айдабаганы белгисиз.

Жаңылыктар түрмөгү
0