Жолдошбаев: Көчмөндөр оюндарын жазында өткөрүү керек
Көчмөндөр оюндарын жазында өткөрүү зарыл. Бул тууралуу бүгүн Жогорку Кеңештин жыйынында депутат Камчыбек Жолдошбаев билдирди.
Анын айтымында, Көчмөндөр оюндарына кыргыз күрөшүн кошуу зарыл.
"Быйыл да Көчмөндөр оюну өткөрүлөт. Ага Кошой менен Жолой күрөшкөн кыргыз күрөштү киргизбесе болбойт. Анан дагы биз элдин баары эс алуудан кетип калган учурда, сентябрь айында өткөргөнү жатабыз. Тескерисинче, апрель, май айларына коюшубуз керек. Июнь айында деле пансионаттарда эс алуучулар жок. Мына ушул учурларга коюп, туристтерди жаңы сезонго тартуу зарыл", — деди Жолдошбаев.
Ал Көчмөндөр оюндарын жазында өткөрсө жайкыга туристтердин саны өсөрүн кошумчалады.
