БИШКЕК, 14-дек. — Sputnik. Бишкектеги жаңы жылдык иш-чараларды уюштурууга былтыркыга салыштырмалуу 12 эсе көп каражат кетет деген маалымат чындыкка коошпойт. Бул тууралуу борбор калаанын мэриясынан кабарлашты.
Билдирүүгөкараганда, 15-31-декабрь аралыгында өтө турган жаңы жылдык иш-чараларга 3 миллион 454 миң сом сарпталат.
Каражат төмөнкү багыттарга жумшалат:
Жарыктандыруу, үч LED экран жана лайер (темир конструкция) — 1 миллион 800 миң сом;
Режиссердук топ, маданий коллектив, артисттер, үн жаздыруу кызматы жана жаңы жылдык костюмдар — 600 миң сом;
Жаңы жылдык фейерверк — 500 миң сом;
Сахнаны көркөм жасалгалоо — 394 миң сом;
Видео жана промо-ролик даярдоо (башынан аягына чейин) — 140 миң сом;
Биоажаткана ижарасы — 20 миң сом.
