Аэропорттун жолунда каза болгон жигиттин телефону дагы деле табыла элек

© Фото / пресс-служба МЧСБишкек — "Манас" аэропорту трассасында болгон жол кырсыгы
Бишкек — Манас аэропорту трассасында болгон жол кырсыгы - Sputnik Кыргызстан
Жазылуу
Yandex newsTelegram
Маркумдун туугандары эми милицияга арыз жазганы жатышат

БИШКЕК, 13-ноя. — Sputnik. Бишкек — "Манас" аэропорту трассасында болгон жол кырсыктан каза болгондордун биринин жакындары анын телефонун дагы деле таба албай жатышат. Бул тууралуу Sputnik Кыргызстан агенттигине маркумдун тууганы Айжан Байдалиева билдирди.

Буга чейин алар кырсыктан көз жумган Максат Байдалиевдин телефонун кайтарып берүүнү суранып кайрылышкан.

"Азыркы убакытка чейин тууганыбыздын телефонун таба элекпиз. Аны ооруканага алып баратканда телефон чөнтөгүндө жүргөнүн коштоп барган балдар айтышкан. Ошондуктан издеп жатабыз. Эми милицияга арыз жазабыз го. Бизге телефон деле кереги жок, ичиндеги сүрөттөр баалуу эле", — деди Байдалиева.

ДТП на трассе Балыкчи — Ананьево — Каракол - Sputnik Кыргызстан
Көлдө жолдон чыгып кеткен BMW бакты сүзүп, ичиндеги үч адам мүрт кетти
Ал эми Чүй облустук Кайгуул милиция башкармалыгынын маалымат катчысы Тилек Исаев маркумдун жакындары телефон жоголгону боюнча арыз менен кайрылса, жол кырсыгын иликтеп жаткан ыкчам топ ал ишти дагы иликтей турганын айткан. Ошондой эле укук коргоо органдарынын өкүлдөрү барган кезде машинанын айланасында 50дөй киши болгонун кошумчалаган.

Жол кырсыгы 6-ноябрда Пригородное менен Достук айылдарынын ортосунда болгон. Катуу ылдамдыкта келе жаткан BMW даракты барып сүзгөн. Натыйжада төрт адам каза таап, бирөө жандандыруу бөлүмүнө жаткырылган. Алдын ала маалымат боюнча айдоочу катуу ылдамдыкта бараткандыктан рулду башкара албай калган.

Жаңылыктар түрмөгү
0