Анын айтымында, мыйзамсыз аңчылык кылгандар тоо текенин мүйүзү менен колго түштү.
"Соң-Көл аймагында рейд жүргүзүп мыйзамсыз аң уулагандар кармалды. Анда Каратал-Жапырык коругунда жаңы атылган тоо текенин мүйүзү, төрт суурдун, бир түлкүнүн териси, беш капкан, документи жок бир мылтык менен аңчылар колго түштү. Андан сырткары, Соң-Колдо 2800 метр балык кормоочу тор, 50 даана сига балыгы жана беш кайыктын мотору алынып актылар түзүлдү", — деди Сагыналиев.
Ал ошондой эле аталган мыйзам бузуулар боюнча материалдар облустук прокуратурага өткөрүлүп бериле тургандыгын кошумчалады.
Текшерүүгө облустук ички иштер башкармалыгынын, Германия жаратылышты коргоо уюмунун (NABU) жана Нарын аймактар аралык экологиялык жана техникалык коопсуздук инспекциясынын кызматкерлери катышкан.
