Жол эрежесин бузгандарга жаза күчөтүлөт. Бул тууралуу КСДП фракциясынын депутаты Дастан Бекешев журналисттердин суроолоруна жооп берип жатып билдирди.
Анын айтымында, учурда жол эрежесин бузгандарга карата жазаны күчөтүү демилгеленип жатат.
"Кылмыш жаза кодексин анализ кылып, учурдагы жол кырсыктары боюнча көйгөйлөрдү көрүп туруп депутат катары сунуш киргизип жатам. Ага ылайык, айдоочулардын жоопкерчилиги күчөтүлүп, кырсыктан адам өлө турган болсо анда айдоочуга миллион сом айып салынып, беш жылга чейин эркинен ажыратылат. Болбосо өлүмгө себепкер болгон адамдар акчанын арты менен жазадан кутулуп жатышат", — деди депутат.
Жаңы сунушталып жаткан нормага ылайык, жол кырсыгынан жарандар жаракат ала турган болсо 50 миң сом айып салынат. Учурда бул берене боюнча 5 миң сом гана айып каралган.
