Ысымын өзгөрткөн Назым Мендебаиров тууралуу 7 факты

© Sputnik / Табылды КадырбековБүгүн белгилүү актер, режиссер, Токтоболот Абдумомунов атындагы кыргыз улуттук академиялык драма театрынын жетекчиси Назым Мендебаиров. Архив
Бүгүн белгилүү актер, режиссер, Токтоболот Абдумомунов атындагы кыргыз улуттук академиялык драма театрынын жетекчиси Назым Мендебаиров. Архив - Sputnik Кыргызстан
Жазылуу
Бүгүн белгилүү актер, режиссер, Токтоболот Абдумомунов атындагы кыргыз улуттук академиялык драма театрынын жетекчиси Назым Мендебаиров 44 жашка толду.

Мындан улам Sputnik Кыргызстан маалымат агенттиги Мендебаиров тууралуу 7 факты даярдады.

КРдин Эл артисти, улуттук филармониянын мурдагы жетекчиси, аты узун элдин учуна тараган тенор үндүү опера ырчысы Керим Тураповдун архивдик сүрөтү - Sputnik Кыргызстан
Апам жапкан нанды сагындым!.. Керим Турапов тууралуу 7 факты
1. Чыныгы аты Абдрахман. Нарын облусундагы Жумгал районунун Чаек айылында 1973-жылы 15-октябрда туулган. Ата-энеси чыгармачыл адамдар. Беш бир туугандын экинчиси. Азан чакырылып коюлган аты — Абдрахман. Атасы КРдин Эмгек сиңирген артисти Кенжегул Мендебаиров түрк акыны Назым Хикметтин "Унутулган адам" спектаклинде ойноп, катуу таасирленген. Апасы Зарыл Когоева Муратбек Рыскулов атындагы Нарын облустук театрында эмгектенет.

2. Аз жерден журналист болбой калган. Актёрлордун үй-бүлөсүндө төрөлгөн Назым Мендебаиров башында журналистика факультетине тапшырып, бирок актерлукка куштарланып кесибин өзгөрткөн. 1991-1994-жылдары Кыргыз улуттук академиялык драма театрынын алдындагы театралдык окуу жайдан билим алган. 1997-2003-жылдары Бүбүсара Бейшеналиева атындагы искусство институтунун "режиссура" факультетин бүтүргөн.

3. Коомчулукка актер, режиссер катары таанымал. Режиссёр Рысбек Жабиров менен биргеликте "Достор", жеке өзү ырчылар катышкан "Кайып булак", "Дудук кыз", "Жубайлар", "Кемпир" тасмаларын тарткан. Актер катары "Кара кыз", "Чиркин өмүр", "Апамдын махабаты", "Кара жолтой", "Ысык-Көл бешбармактары", "Троллейбус", "Уурунун махабаты", "Президент жана бомж" тасмаларына тартылган.

Театр жана кино актер, режиссер Назым Мендебаиров маек учурунда - Sputnik Кыргызстан
Радио
Назым Мендебаиров: "Кара жолтойдун" сценарийи менен таанышкан эмесмин
4. Жүрөктүн үшүн алган "Кара жолтой" тасмасында башкы ролду ойногон. Мендебаиров дал ушул ролу менен эл ичинде популярдуу болгон. Тасманын режиссеру Мурат Мамбетовдун сунушу менен тартылып, сценарийи менен анча тааныш эмес эле. Актердун тасма үчүн өлүкканадагы цементте жылаңаяк, муздак керебетке жылаңач жатканга туура келгенин эскергени бар. Актердун "тасмадан кийин келинчегим, кошуналар, балдарым коркуп жүрүштү. Көргөндөр да жанымдан араң өтүп жаткандарын байкачумун" деп айтканы бар.

5. Саунд актер. Мендебаиров үн коштоо жагынан да чебер. Кинодо, жарнамада, чыгармаларда үн коштоп жүрөт. Маселен, түрктөрдүн "Даңазалуу доор" тасмасында Соколлу Мехмед пашанын үнүн коштогон.

6. Жетекчи жана окутуучу Мендебаиров. Маданият жана искусство университетинин "Социалдык маданий ишмердик" кафедрасынын башчысы. 2017-жылы 10-апрелде Токтоболот Абдымомунов атындагы Кыргыз улуттук драма театрынын директору болуп дайындалган.

7. Жеке жашоосу. 19 жашында кесиптеши Бактыгүлгө баш кошкон. Учурда жубайлар үч баланын ата-энеси.

Жаңылыктар түрмөгү
0
Алгач жаңыларыАлгач эскилери
loader