БИШКЕК, 19-сен. — Sputnik. Узакка созулган кургак жана жылуу аба ырайынан кийин Кыргызстандын аймагында 23-24-сентябрда күн салкындайт. Бул тууралуу Кыргызгидромет билдирди.
Маалыматка ылайык, мезгил-мезгили менен жаан жаап, күн күркүрөшү, тоолордо кар жаашы күтүлөт.
Айрым жерлерде батыштан соккон шамалдын ылдамдыгы секундасына 18-23 метрге жетет.
Дем алыш күндөрдөгү үшүктүн жүрүшү жыйналбаган жашылча-жемиш, картошка жана кант кызылчасы үчүн кооптуу.
Ал эми шаршемби күнү өлкө аймагында жаан-чачын күтүлбөйт. Абанын орточо температурасы 25…30 градус жылуу болот.
Борбор калаа менен Ош шаарында күн ачык болуп, абанын температурасы 27…29 градуска дейре көтөрүлөт.
