БИШКЕК, 18-сен. — Sputnik. Шаардык милиция жетекчилиги ири суммада акча тоноп, адам өлтүргөндөр боюнча кылмыштын бетин ачкан кызматкерлерге акчалай сыйлык жана ардак грамота тапшырды. Бул тууралуу аталган мекеменин басма сөз катчысы Райхан Абдразакова Sputnik Кыргызстан агенттигине билдирди.
Анын айтымында, 2017-жылдын май айында 57 жаштагы калаа тургуну арыз менен милицияга кайрылган. Анда азият улутундагы жашы 22-25тер чамасындагы белгисиз жарандар анын 14 жаштагы небере кызын муунтуп, бычак менен коркутуп, кыз эсин жоготкон учурда 13 миң доллар акча каражатын жана 300 миң сомдук алтын буюмдарын алып из жашырып кеткендиги жазылган.
"Бул окуя боюнча ыкчам иш-чаралардын негизинде криминалдык милиция бөлүмүнүн кызматкерлери Кара-Кулжа районунун 17 жаштагы жана Жалал-Абад облусунун 19 жаштагы жашоочуларын шектүү катары колго түшүрүшкөн", — деди Абдразакова.
Ошондой эле 2017-жылдын 27-августунда калаанын Курманжан Датка кичи шаарчасында катталган адам өлтүрүү фактысы боюнча оор кылмыштын бетин ачуудагы чеберчилигин көрсөткөн криминалдык милиция бөлүмүнүн өкүлдөрү жетекчилик тарабынан сыйланды.
