БИШКЕК, 18-сен. — Sputnik. Бишкекте эркек кишинин таяк менен сабалып жаткан баланы кармап берген видеосун шаар тургуну Адэля Рамазанова жарыялады.
Анын айтымында, окуя Техникалык университеттин жатаканасындагы камерага түшүп калган.
"Бул киши дагы эки бала менин таанышымдын уулун сабады. Кечээтен бери баланын энеси күч органдарына кайрылып, эч натыйжа чыгара албай келет, анткени тиги кишинин "жогору жакта тааныштары бар" имиш. Эмне кылуу керек? Аялдын күйөөсү жок, жалгыз эле ушул баласы бар", — деп жазган Рамазанова.
Видеодо өспүрүмгө бир бала кол салып, андан кийин аны чоң киши ийининен кармап турганы, бул маалда тиги балдар таяк менен ургулап жатканын көрүүгө болот. Андан соң эркек балага кыйкырып, түртүп бетке муштап жатат.
Бишкек ШИИБден Sputnik Кыргызстан агенттигине аталган ролик иликтенип жатканын кабарлашты.
