БИШКЕК, 2-сент. — Sputnik. Кыргызстанда дүйнө элдеринин эпосторунун IV Бүткүл дүйнөлүк фестивалы өтөт. Бул тууралуу уюштуруучулар билдирди.
Фестивалдын алкагында улуттук каада-салтты чагылдырган "Кыргыз көчү" аталышындагы этнографиялык көргөзмө менен катар эле "Мыкты кыргыз боз үйү" сынагы өткөрүлөт.
"Аталган фестиваль улуу манасчы Сагымбай Орозбаковдун туулгандыгынын 150 жылдыгынын урматына, "Ыйман адеп жана маданият" жылына арналып уюштурулууда", — деп айтылат маалыматта.
Фестиваль учурунда эл аралык илимий-тажрыйбалык симпозиумга Россия, Казакстан, Монголия, АКШ, Өзбекстан, Түркия мамлекеттеринен катышып, эпос жаатында актуалдуу көйгөйлөрдү талкуулашат.
Иш-чара 4-6-cентябрь күндөрү болот.
