БИШКЕК, 1-авг. — Sputnik. Венесуэланын жогорку соту оппозиция лидерлери Леопольдо Лопес менен Антонио Ледесма үй камагынын талаптарын аткарбагандыктан кайтадан абакка киргизилгенин билдирди. Бул тууралуу Nacional басылмасы жазып чыкты.
Жогорку сот чалгындоо кызматына таянуу менен оппозиция лидерлери качып кетүүгө аракет көрүп жатат деген маалымат алганын айтып, алардын үй камагын жокко чыгарган.
Жекшемби күнү Венесуэлада Улуттук кеңешке шайлоо өттү. Алар өлкө конституциясын өзгөртүү аракеттерин көрөт. Бул органды чакыруу демилгеси өлкө президенти Мадурого таандык. Бирок, оппозиция шайлоонун жыйынтыгын тааныбай турганын айтып, кеңешти чакыруу референдум аркылуу ишке ашышы керектигин жүйө келтиришүүдө. Шайлоо бир катар нааразычылык акциялары жана адам өлүмү менен коштолду. Акыркы маалыматтар боюнча шайлоодон кийин чыккан баш аламандыкта 120 киши каза болгон.
