Эшенбаев: Бишкектеги беш мектеп капиталдык ремонттон өтүүдө
Быйыл Бишкек шаарында мэриянын Капиталдык курулуш башкармалыгы тарабынан аткарыла турган жумушунун көлөмү абдан чоң. Учурда тизмеге кирген курулуш иштеринин 90 пайызы аткарылууда. Бул тууралуу мэриянын капиталдык курулуш башкармалыгынын жетекчиси Нурлан Эшенбаев Sputnik Кыргызстан радиосуна маек куруп жатып билдирди.
Анын айтымында, ушу тапта борбор калаадагы беш мектепке капиталдык ремонт жасалып жатат.
"Мектептер 40-жылдарга чейин салынган. Узак мөөнөттүү болгондуктан капиталдык ремонт жасалбай, полдору, чатыры жарабай калган. Бүгүнкү күндө буларды толугу менен алмаштыруу иштери жүрүүдө. Эгер жаңы курулуштун бир чарчы метри үчүн 450-600 доллардын тегерегинде акча сарпталса, ремонт 160-200 доллардын тегерегиндеги акчага жасалат", — деди Эшенбаев.
Ал мындан тышкары, жеке колго өтүп кеткен бала бакчаларды мамелкетке кайтаруу иштери активдешип жатканын белгиледи.
