БИШКЕК, 26-июл. — Sputnik. Бутуна ак калпакты кийип алып жер шилей баскан баланын видеосу социалдык тармактарга тарап, интернет колдонуучулары арасында катуу талкууга алынууда.
Видеодо көрүнүп тургандай, тротуарда келе жаткан эки өспүрүм баланын бири бутуна калпакты кийип алып, топурактуу жолду шилеп келе жатат. Аны бери жактан байкап турган бейтааныш киши балдар жакындаганда какыс-кукус кылып калпакты жерден алып, чаңын күбүгөн.
Интернет колдонуучулардын кээ бирлери бала балалыгын кылганын айтышса, дагы бирлери эмкиде сабак болот деп бейтааныш кишини колдошууда.
