Текебаевдин соту: Эсеп палатасынын экс-жетекчиси да көрсөтмө берди

© Фото / пресс-служба ЖК КРЭсеп палатасынын мурдагы башчысы Элмира Ибраимованын архивдик сүрөтү
Эсеп палатасынын мурдагы башчысы Элмира Ибраимованын архивдик сүрөтү - Sputnik Кыргызстан
Жазылуу
Биринчи Май райондук сотунда Текебаев менен Чотоновго карата козголгон кылмыш иши каралды.

БИШКЕК, 18-июл. — Sputnik. Борбор калаадагы Биринчи Май райондук сотунда Жогорку Кеңештеги "Ата Мекен" фракциясынын лидери Өмүрбек Текебаев менен мурдагы элчи Дүйшөнкул Чотоновдун сот иши уланды. Анда эсеп палатасынын мурдагы башчысы Элмира Ибраимова күбө катары көрсөтмө берди.

Ал көрсөтмөсүндө Текебаев Конституциялык реформаны жана ал боюнча кеңешмелерди өткөрүүгө жооптуу болгонун айтты. Ибраимова жактоочунун суроолоруна жооп берип жатып, Текебаев "Альфа телеком" компаниясынын ишине байланыштуу чечимдердин кабыл алынышына таасир бере алмак эмес деген пикирин билдирүү менен өлкөдөгү Конситуциялык реформаны ишке ашырууга милдеттүү болгонун белгиледи.

Бүгүн, 18-июлда Убактылуу өкмөттүн төрайымынын орун басарларынын бири Темир Сариев да күбө катары көрсөтмө берди. 

Ата Мекен фракциясынын лидери Өмүрбек Текебаевдин архивдик сүрөтү - Sputnik Кыргызстан
Текебаевдин жактоочулары: Атамбаев убактылуу өкмөттүн мүчөсү катары көрсөтмө берсин
Эскерте кетсек, 2017-жылдын 25-февралында Башкы прокуратура "Ата Мекен" фракциясынын лидери Өмүрбек Текебаевге жана башка адамдарга карата КР Кылмыш жаза кодексинин 303-беренесинин 1-бөлүмү (коррупция) жана 166-беренесинин 4-бөлүмүнүн 2-3-пункттарында (алдамчылык) камтылган белгилер боюнча кылмыш ишин козгогон.

Козголгон кылмыш иштин алкагында Текебаев менен Дүйшөнкул Чотонов кармалган. Россиялык бизнесмен Леонид Маевский Текебаев "Альфа Телеком" (Mega Com) компаниясынын башкармалыгына кирүүгө мүмкүнчүлүк берүү үчүн бир миллион доллар алды деп айтып, депутаттын үстүнөн арыз жазган.

Жаңылыктар түрмөгү
0