Арстанкулов: өлкөнүн үч ири шаарында гемодиализ борбору курулганы жатат
Гемодиализ боюнча жардам берүүнүн сапатын көтөрүү керек. Бул тууралуу Саламаттык сактоо министрлигинин медициналык жардамды уюштуруу башкармалыгынын башкы адиси Талантбек Арстанкулов Sputnik Кыргызстан радиосуна маек куруп жатып билдирди.
Анын айтымында, аталган маселени чечүү үчүн Бишкек, Ош жана Жалал-Абад шаарларында гемодиализ борборлору курулганы жатат.
"Гемодиализ боюнча жардам берүүнүн сапатын көтөрүшүбүз керек. Учурда аталган меселени чечүү үчүн жеке менчик өнөктөштүк кызматташуу аркылуу борборлорду ачуу пландалууда. Ушул максатта тендер өтүп, буюрса жаңы борборлорду куруу алдында турабыз", — деди Арстанкулов.
Ал жаңы борборлор төмөндөтүлгөн баада курулаарын кошумчалады.
