БИШКЕК, 30-июн. — Sputnik. Мамлекеттик салык кызматы Бишкектин бир катар азык-түлүк дүкөндөрүнө рейд жүргүзүп, контрафакттык жана шек жараткан алкоголдук продукцияларды текшерди. Бул тууралуу аталган ведомствонун маалымат кызматы билдирди.
Рейддин жүрүшүндө "Глобус" гипермаркетинен 288, "Боорсок" гипермаркетинен 155, "Бишкек оптомаркет" гипермаркетинен 307, "Фрунзе" дүкөнүнөн 47, "Семь дней" дүкөнүнөн 16, "Народный" дүкөнүнөн 48 даана шек жараткан акциздик маркадагы алкоголдук продукция сатыктан алынган. Алардын жалпы саны 859ду түзүп, суммасы 145,6 миң сом болгон.
Алынган бөтөлкөлөрдүн 671и "Аю", 11и "Ак каз", экөө "Алби Прайм Компани", 154ү "КАТ" ишканаларына таандык экени аныкталды.
