БИШКЕК, 13-июн. — Sputnik. Сочиде өткөн эл аралык "Улук Россия" сынакта Бишкектеги №13 гимназия мектебинде окуган "Санат" жаш комузчулар ансамбли баш байгени утуп алды. Бул туурасында Маданият, маалымат жана туризм министрлигинин маалымат кызматы билдирди.
Сынактын жыйынтыгы менен алар Санкт-Петербург шаарында өтө турган "Сияние звёзд" фестивалына чакыруу алды.
Ошондой эле, аталган ансамблдин көркөм жетекчиси Табани Кожоярова жогорку деңгээлдеги педагогикалык чеберчилиги үчүн Гран-приге ээ болду. Мындан сырткары ансамблдин дагы бир мүчөсү Аделя Бурханбай кызы комузда ырдоо номинация боюнча биринчи орунду ээледи.
