Ракиев: ушак айтуу менен сөгүнүү орозону бузат
Ушак айтуу менен сөгүнүү орозону бузат. Бул тууралуу муфтийдин орун басары Замир кары Ракиев Sputnik Кыргызстан радиосуна маек куруп жатып билдирди.
Анын айтымында, көпчүлүк адамдар бул нерселерге маани бербейт.
"Орозо кармаган адам тамактан сырткары бир топ нерселерге тыюу салышы керек. Мисалы ушак айтуу, сөгүнүү, урушуу дагы орозону бузат. Чагымчылдыкка жана жаңжалдарга да катышууга болбойт. Ошондуктан бир гана ооздун эмес, тилдин, көздүн, кулактын да орозосун кармоо керек", — деди Ракиев.
Ал дары ичүү, ийне сайдыруу дагы оозду ачарын кошумчалады.
