БИШКЕК, 19-май — Sputnik. Астанада өзүнөн улуу кишини аёосуз тепкилеген казакстандык жаш жигит видеого тартылып калып, көп өтпөй милиция тарабынан кармалды. Бул туурасында Sputnik Казакстан агенттиги жазды.
Мындан бир нече күн мурда көргөн адамдын ачуусун келтирген видео социалдык тармакка тарап кеткен. Анда болжол менен Астана шаарында жолдо автоунаадан жаңы түшүп келе жаткан өзүнөн бир топ улуу кишини жаш жигит ай-буйга келтирбей, ур-токмокко алып, жаткыра тепкилегендиги көрүнүп турат.
Борбор калаанын Ички иштер департаменти окуяга тиешеси бар 23 жаштагы жигит 17-майда Астана шаарында кармалгандыгын билдирди.
ИИМ аталган факты боюнча тергөө иштери башталгандыгын кошумчалады.
