Россия Федерациясынын Ички иштер министрлигинин академиясына тапшыруу үчүн абитуриенттер бир нече жолу медициналык кароодон өтөөрүн Sputnik Кыргызстан агенттигине курсант Жылдыз Жумабаева билдирди.
"Тартип сакчысы болом деп 9-класста окуп жүргөндө чечкем. Кыргызстандын ИИМ академиясына телефон чалып сурасам, ал жакта окуй албай турганымды айтышты. Анткени, чет элдик жарандарды кабыл алуу жагы каралбаптыр. А мен 12 жашымда Россия жарандыгын алган болчумун. Омск шаарындагы ИИМ академиясына тапшырууга көп эмгек кетти. Бир нече жолу медициналык кароодон өттүк. Окууга өтүү үчүн экзамендерин 20 күн бою тапшырдык", — деди Жумабаева.
Өзүнүн айтымында, учурда кызмат өтөй баштады. Коомдук тартипти сактап, кайгуул кызматына жардам берет. Суткалык нөөмөткө чыгат.
