БИШКЕК, 26-апр. — Sputnik. Алматы шаарындагы мамлекеттик музейде бүгүн кыргыздын белгилүү сүрөтчүлөрү менен скульпторлорунун эл аралык көргөзмөсү ачылат. Бул туурасында Канематографты колдоо фондусу маалымдады.
Көргөзмөгө баш-аягы болуп живопись, коллаж, скульптура тармагындагы 110 эмгек коюлган.
Казакстандык жарандар сүрөтчүлөр Жылкычы Жакыпов, Юристанбек Шыгаев, Талант Огобаев, Эркин Салиев, Талгат Асыранкулов, живописчилер Нарын Турпанов, Евгения Бойкова, Сансыз Мирзираимов, скульптор Арстанбек Шаршекеев, Марат Огобаев жана Аскар Турумбековдун эмгектери менен тааныша алышат.
Бул искусство адамдарын 1980-жылдары түптөлгөн "Жаңы толкун" деп аталган чыгармачыл топ бириктирип турат.
